Mawa sidhem bebek wurung,kepareng nitip sesanti.
Tumrap masmirahpun kakang,
kelawan siwi kekalih.
Bab urip neng alam dunya
kudu eling lan premati.
Pisan njaga ujar tembung,
kang mijil saka ing lathi.
Pindho lestarining gesang,
kabeh mahluk lan pribadi.
Katri mbela kalawan hak.
Catur nasabira kaki.
Kaping lima golek ngelmu,
lair dumugining akhir.
Kabeh mau kang utama.
Gegaman langkung prayogi,
linambaran raos ikhlas
mring sabarang kang dumadi.
========Kebumen, ri-16 candra-6 'Mesat budi nir bujana'
Tidak ada komentar:
Posting Komentar